ТА Атлантик Турс | Хотели и авионски билети - online резервации

(Обновено на 30.06.2017г.)

Согласно Законот за безбедност на сообраќајот на патиштата (Сл.Весник на РМ бр.169/15), односно одредбите од законот кои се однесуваат на начинот и постапката за издавање на меѓународна возачка дозвола што почнуваат да се применуваат од задутре (30.06), Министерството за внатрешни работи ги информира граѓаните дека, врз основа на член 315, став еден и шест, од посочениот закон, на секој возач кој поседува возачка дозвола, на негово барање му се издава и меѓународна возачка дозвола.

На возачот, пак, на кој му е изречена прекршочна санкција – забрана за управување со моторно возило за одреден период – не може да му биде издадена меѓународна возачка дозвола додека му трае изречената забрана. Исто така, согласно Правилникот објавен во Сл.Весник на РМ бр.80/16 во прилог кон барањето за издавање на меѓународна возачка дозвола се приложува и потврда издадена од МВР и СВР (Оддел за управни работи) дека против возачот не е изречена прекршочна санкција, односно забрана за управување на моторно возило. Потврдата се издава веднаш по поднесеното барање.

Извор:
http://www.pravdiko.mk/mvr-izmeni-vo-postapkata-za-izdavane-na-megunarodna-vozachka-dozvola/