ТА Атлантик Турс | Хотели и авионски билети - online резервации

Нова Година 2016/2017 во продажба...

За нас Општи услови за патување
Јазик / Language: Македонски / English
FACEBOOK
Септември
ПРАЗНИЧНА ПРОГРАМА НА БАЛТИКОТ
Сподели со пријателите:
Испринтај: print

ПРАЗНИЧНА ПРОГРАМА НА БАЛТИКОТ

ТАЛИН-ЈУРМАЛА-РИГА

 

(05.09.2025-09.09.2025)

 

 

Прв ден: 05.09.2025 (петок)-Скопје-Кавадарци-Солун

 

18.00 часот. Заминување на групата со организиран превоз од Скопје и во 20.00 часот од Кавадарци кон Грција. Пристигнување на аеродромот во Солун во вечерните часови.

 

 

Втор ден: 06.09.2025 (сабота)- Солун-Рига-Талин

 

Полетување за Рига во 03.35 часот, слетување во 06:25 часот по локално време. Летот за Талин е во 07.35 часот, пристигнување во Талин во 08.25 по локално време. Организиран трансфер со автобус до хотелот „Metropol“ 3* лоциран во непосредна близина на стариот дел од градот (https://www.metropol.ee/hotel/ ). Го оставаме багажот во хотелот и заминуваме на организиран пешачки разглед на најдобро сочуваниот средновековен град во Европа. Главниот град на Естонија ќе ни овозможи незаборавно патување низ вековите бидејќи е своеводен музеј на отворено... Во стариот град кој е под заштита на Унеско се наоѓа најпознатата готичка градба - 600 годинишната зграда на Градското Собрание која е најстарата зграда во цела Скандинавија. Исто толку години е стара и аптеката која од 1422 година без прекин работи на истото место; денес тука можете да купите современи лекови но и средновековни мелеми. На само неколку минути од главниот плоштад се наоѓа црквата „Sveti Olaf“ посветена на норвешкиот крал Olaf Втори, највисоката средновековна градба од 12. Век чија кула е висока повеќе од 123 метри и за време на советската влада се користела за набљудување. Разгледот на една од најубавите светски дестинации ќе го реализираме со лиценциран туристички водич, а потоа имаме слободно време за индивидуални прошетки. Во договореното време сместување на групата во хотелот. Слободно време за одмор и за индивидуални активности. Ноќевање.

 

 

Трет ден: 07.09.2025 (недела)- Талин-Јурмала

 

Појадок. Организиран трансфер со автобус до Јурмала, најпознатото летувалиште на Балтичкото Море. Сместување на групата во хотел „Jurmala“ 4* (https://www.hoteljurmala.com/ ) лоциран во центарот на летувалиштето. Краток одмор од патувањето, а потоа организиран разглед на градот кој се простира со целата своја должина покрај морето. Ние ќе прошетаме по главната улица Jomas која е долга еден километар и е пешачка зона. Јурмала е позната по куќите изградени од дрво, а многу од овие вили кои се во приватна сопственост имаат необични застаклени веранди и украсни кули градени кон крајот на 19. и почетокот на 20. Век. Не заборавајте за спомен да се фотографирате со симболите на Јурмала: скулптурата во облик на глобус направена во 1970-та година која го претставува токму тој историски период на Летонија или бронзената скулптура на желка која е одлика на долговечност и од својата возвишена положба гледа кон балтичката плажа. По организираниот разглед, слободно време за индивидуални прошетки низ ова монденско летувалиште или за уживање во содржините на хотелот кој располага со внатрешен базен и со wellness центар. Во вечерните часови предлагаме ноќна прошетка низ градот Рига (заминуваме со воз и се враќаме повторно со воз). Ноќевање.

 

 

Четврти ден: 08.09.2025 (понеделник)- Јурмала-Рига-Солун

 

Појадок. Слободно време за индивидуални активности. Во пладневните часови се одјавуваме од хотелот (го оставаме багажот во хотелот) и заминуваме кон железничката станица, а од таму со воз се упатуваме кон Рига, главниот град на Латвија. Организиран пешачки разглед кој го започнуваме со прошетка низ камените улици на оваа престолнина која е под заштита на Унеско. Тука се црквите „Свети Петар“ и „Свети Јаков“, Катедралата со највредните оргуљи на светот, Градските ѕидови кои ќе не` вратат во стариот век, Шведската врата која е единствен сочуван влез во Стариот град, Парламентот, Куќата на црните глави- една од најубавите во цела Латвија, Споменикот на слободата... По организираниот разглед, слободно време за прошетка низ улиците кои изоболуваат со продавници, барови, ресторани и шарени фасади во јаки бои...Можеби не сте знаеле, но во Рига има повеќе од 800 згради изработени во art nuvo стил кои ќе ги препознаете по изрезбарените врати, богатите цветни декорации и скулптурите на жени. Во доцните попладневни часови се враќаме назад во хотелот во Јурмала. Организиран трасфер од хотелот до аеродромот во Рига. Летот е во 23.30 часот по локално време, слетување во Солун во 02.30 часот. Организиран трансфер со автобус од аеродромот во Солун до Кавадарци, односно Скопје. Пристигнување во вторник во утринските часови.

 

 

Промотивна цена за уплата до 20.03.2025........ 649 евра (40.240 денари)

ЦЕНА НА АРАНЖМАНОТ.........699 евра (43.340 денари)

(плаќање во денарска противвредност)

 

 

Во цената на аранжманот се вклучени следните услуги:

 

• Авионски билет Солун-Рига-Талин со вклучени аеродромски такси

• Авионски билет Рига-Солун со вклучени аеродромски такси

• Рачен багаж до 8 кг. и чекиран багаж до 23 кг. по лице

• Сите трансфери вклучени во програмата

• 1 ноќевање со појадок во хотел 3 * во Талин

• 1 ноќевање со појадок во хотел 4 * во Јурмала

• Билет за воз на релација Рига-Јурмала-Рига

• Лиценциран туристички водич за време на целото патување

• Лиценциран туристички придружник

 

 

Во цената не се вклучени следните услуги:

 

• Доплата за еднокреветна соба – 270 евра

• Туристичка такса – 3 евра за сите ноќевања ( се плаќа во агецијата)

• Патничко осигурување

Напомена: За потврда на резервација е неопходна задолжителна уплата од 300 евра (18.600 денари). Целосна доплата на аранжманот до 31.07.2025

 

 

Напомена: За реализација на аранжманот потребни се минимум 30 патници

 

 

Резервирај
На вашата емаил адреса се испратени информации со понатамошни инструкции.

Доколку сакате да извршите резервација на овој аранжман пополнете ја следнава форма за да извршите online плаќање.
ПРЕД ДА ИЗВРШИТЕ УПЛАТА ВЕ МОЛИМЕ ЈАВЕТЕ СЕ ВО АГЕНЦИЈАТА НА ТЕЛ 043/ 420 885 ; 412 885; 413 885 ; 071 661 589 И ПРОВЕРЕТЕ ДАЛИ ИМА СЛОБОДНИ МЕСТА









Внесете ја сумата што сакате да ја уплатите во денари (само броеви)